Стала добрай традыцыяй ў самым пачатку заняткаў аб’яднання па інтарэсах “Краязнаўства” наведваць этнаграфічны куточак нашага каледжа, які размешчаны ў інтэрнаце. Як заўсёды нас вітала гаспадыня Валянціна Мікалаеўна Баўкуновіч, якая расказала шмат цікавага пра задуму стварэння куточка, пра розныя экспанаты: начоўкі, маслабойку, посуд, прылады для прасавання бялізны, плеценыя лапці, адзенне нашых продкаў, тканыя і вышываныя вырабы...
На працягу мінулага навучальнага года мы таксама займаліся збіраннем старадаўніх рэчаў, і вырашылі перадаць іх у этнаграфічны куток. Мы перадалі серп, падковы, чаўнок, вышываны ручнік, стары нямецкі кубак. Тым самым далучыліся да добрай справы: збору і захаванню матэрыяльнай спадчыны продкаў. Намі вырашана працягваць гэту справу і ў бягучым навучальным годзе.
Ласюкова Вікторыя, навучэнка гр.№34,
Ласюкова Дзіяна , навучэнка гр.№14